Ургийн гажиг тодорхойлох

Ургийн гажиг тодорхойлох : Ургийн хромосомын эрсдэл тооцох үнэлгээ гэдэг нь ургийн төрөлхийн хөгжлийн гажиг, удамшлын ба хромосомын эмгэгтэй хүүхэд төрөхөөс сэргийлэх зорилгоор жирэмсний 9-13 долоо хоногтойд эхийн цусанд хийгддэг шинжилгээ юм.

Уг шинжилгээнд 35-аас дээш насны жирэмсэн эмэгтэй бүр хамрагдах шаардлагатай байдаг , Залуу эхчүүдийн хувьд өөрөө хүсвэл хамрагдаж болно.

Жирэмсэн эхийн цусны ийлдсэнд PAPP-A, BhCG-ыг тодорхойлох бөгөөд энэхүү сорил дээр нэмж хэт авайн шинжилгээгээр 12 -13 долоо хоногтойд ургийн шилэн хүзүүний арын зай /NT/-г хэмжин, эхийн нас, өндөр, жин, хорт зуршил , өмнөх жирэмслэлтийн мэдээлэлтэй хамт тусгай программаар тооцоолуур хийж эрсдэлийг үнэлнэ.

Энэхүү үнэлгээг хүссэн эмч бүр хийдэггүй бөгөөд олон улсын ургийн анагаах ухааны хэт авиа оношилгооны сургалтад хамрагдсан, уг программыг ашиглах албан ёсны эрхтэй цөөн тооны эмч нар хийдэг.

Уг программаар үнэлгээ хийснээр

Даун, Эдвардс, Патаугийн хам шинж зэрэг хромосомын эмгэгийг 75-80%-aар илрүүлэх боломжтой

“Эрсдэл бага” гарсан тохиолдолд 5 сартай Эхо оношилгоонд заавал хамрагдана.
“Эрсдэл өндөр” гарсан тохиолдолд дараагийн шинжилгээ болох Амниоцинтез буюу ураг орчмын шингэнд хатгалт хийн шинжилж, оношийг баталгаажуулдаг.