Мэс ажилбар
Умайн хүзүүний ургацаг авах
Умайн хүзүүний ургацаг авах: Умайн хүзүүний ургацаг (полип) гэдэг нь умайн хүзүүний болон умайн хүзүүний сувгийн хучуур эсээс гаралтай хоргүй үүсгэвэр юм. Өөрөөр хэлбэл умайн хүзүүний хучуур эсийн хэсэг газрын ургалт юм. Умайн хүзүүний эмгэгүүдийн 25%-ийг эзэлдэг.
Шалтгаан нь одоог хүртэл бүрэн судлагдаагүй. Бага насны охидоос цэвэршилтийг нас хүртэл бүх насны эмэгтэйчүүдэд тохиолддог.
Гэхдээ тохиолдлын ихэнх хувийг 40-45-аас дээш насны эмэгтэйчүүд эзэлдэг байна. Умайн хүзүүний ургацгийн 70% нь умайн хүзүүний бусад эмгэгтэй хавсарсан байдаг. Ховор тохиолдолд (1.5-2%) умайн хүзүүний хорт хавдарт шилждэг.
- Дааврын өөрчлөлт- Өндгөвчийн уйланхай, умайн хоргүй хавдрын зангилаа, эндометриоз гэх мэт эмэгтэйчүүдийн өвчний шалтгаантай дааврын өөрчлөлтүүд
- Удаан хугацааны стресс, сэтгэл санааны тогтворгүй байдал, сэтгэл гутрал, хэт ядрах зэргээс дархлаа сулрах
- Умайн хүзүүний механик гэмтэл -умайн хөндий, умайн хүзүүнд хийгдсэн мэс ажилбар, төрөлт
- Үтрээний нянгийн бичил орчин өөрчлөгдөх, бэлгийн замын халдварт өвчнүүд, микоплазмоз, уреаплазмоз, хламидиоз, бэлгийн херпес, бэлэг эрхтний үрэвсэлт өвчнүүд
Умайн хүзүүний ургацаг жижиг хэмжээтэй бол шинж тэмдэг илэрдэггүй. Харин үрэвссэн, гэмтсэн үед дараах шинж тэмдэг илэрнэ.
- Хэвлийн доод хэсгээр өвдөнө, сарын тэмдгийн өмнө өвдөлт ихэснэ.
- Үтрээний цагаан юм ихэснэ
- Үтрээгээр цусархаг ялгадас гарна (сарын тэмдгийн дунд үед)
Нөхөн үржихүйн насны эмэгтэйчүүдэд ургацаг нь ихэвчлэн сарын тэмдгийн мөчлөгийн алдагдал эсвэл үргүйдэлтэй хавсарч илэрнэ.
- Үтрээний үзлэг
- Умайн хүзүүний дуран
- Умайн хүзүүний эсийн шинжилгээ
- ЭХО
Үрэвслийн эсрэг эмчилгээ хийж ургацгийг авах мэс ажилбар хийгдэнэ. Авсны дараа 6% нь дахих магадлалтай.
