Мэс ажилбар
Бэлгийн уруул тайрах жижиг мэс ажилбар
Бэлгийн уруул (бага уруул) тайрах мэс засал: Бэлгийн бага уруул нь бэлгийн их уруулын дотуур, түүний дагуу чиглэж байрласан улаан ягаан өнгөтэй арьсны нимгэн хуниас эрхтэн бөгөөд бэлгийн бага уруулын дээд үзүүрийн завсар хэлүүний толгой сул унжиж харагдана.
![](https://tsagaanuulclinic.mn/wp-content/uploads/2024/01/жирэмслэлтээс-хамгаалах-тариа-1.jpg)
Бэлгийн бага уруул нь төрөлхийн болон олдмолоор томорсон тохиолдолд өмдөнд үрэгдэж холгогдох, бамбайж хавдах, бэлгийн харьцааны үед дотогш чихэгдэн саадтай байх, гадаад үзэмжийн хувьд таагүй, хар бараан өнгөтэй, нэг нь нөгөөгөөсөө хэт урт, эсвэл хоёр тал нь хоёулаа далбагар том харласан, атираа нугалаатай харагдах, амархан бохирдох зэрэг сөрөг талуудтай тул мэс ажиллавар хийн жижгэрүүлж бэлгийн их уруулын дотор талаар байхаар тааруулан засна.
Ингэснээр бэлгийн их ба бага уруулын харьцаа жигд болж, гадна үзэмж сайжирч, бэлгийн бага уруулын харлаж үрчийсэн хэсэг тайрагдан өнгө нь ягаавтар, эсвэл бага зэрэг бор өнгөтэй болно. Хүн бүрийн гадна бэлэг эрхтний хэлбэр, хэмжээ, атираа нугалаа, суналт харилцан адилгүй учраас хүн бүрд хийгдэх мэс ажиллавар, үргэлжлэх хугацаа, эдгэрэлтийн хугацаа өөр өөр байна.